Azərbaycan Rusiyanın təhdidlərinə sərt cavaba hazırdır

Son aylarda rusiyapərəst Telegram kanallarında Azərbaycana qarşı ittihamlar artıb. Baku "anti-Rusiya sabotajı"nda, Ukraynaya dəstəkdə və etnik separatizmdə günahlandırılır. Bu, Moskvanın postsovet məkanında nüfuzunu qorumaq üçün apardığı informasiya müharibəsinin tərkib hissəsidir.

Gərginliyin kökü 2024-cü ilin sonundakı AZAL təyyarə qəzasına gedib çıxır. Bakı hadisəyə görə Rusiyanı ittiham edib. 2025-ci ilin fevralında Azərbaycan mediasına qarşı kiberhücumlar da münasibətləri daha da pisləşdirib.

İyun ayında Yekaterinburqda iki azərbaycanlının öldürülməsi, səfərlərin ləğvi və diplomatik ritorikanın sərtləşməsi ilə nəticələnib. Kreml bunu "etnik intiqam cəhdi" kimi təqdim edib. Azərbaycanın Aİ, NATO və Türkiyə ilə artan əməkdaşlığı Rusiya üçün təhlükə kimi görünür. Prezident İlham Əliyevin Şuşa Media Forumunda Ukraynaya “işğalla razılaşmayın” çağırışı bu ritorikanı daha da alovlandırıb.

Kremlə yaxın kanallar iqtisadi sanksiyalardan tutmuş, hərbi təxribatlara qədər müxtəlif təhdidlər səsləndirir. Bakı isə öz mövqeyində qəti və prinsipial qalır: təhdidlər qarşısında geri çəkilməyəcək. NATO bazasının Xaçmazda yerləşdirilməsi də daxil olmaqla, mümkün cavab tədbirləri nəzərdən keçirilir. Azərbaycan açıq şəkildə bildirir: təzyiqlər altında deyil, qarşılıqlı hörmət əsasında dialoq mümkündür. Əks halda, regionda yeni böhran riski yaranır.

Caliber
Billurə Quliyeva