Azərbaycanla sülh uğrunda mübarizə aparırıq

Biz Ukraynada Azərbaycanın ölkəmizin suverenliyi və ərazi bütövlüyünə əsaslanan mövqeyini, habelə bizə göstərdiyi dəstəyini yüksək qiymətləndiririk.

"İnformator.az" xəbər verir ki, bunu Ukraynanın Azərbaycandakı səfiri Yuri Qusev bildirib.

"Bu gün biz Azərbaycan və digər beynəlxalq tərəfdaşlarla birlikdə ədalətli sülh və təhlükəsizlik hüququ uğrunda mübarizə aparırıq. Ölkələrimizi məhz beynəlxalq münasibətlərdə formalaşan yeni reallıqlar şəraitində təkcə gücün deyil, tərəfdaşlarımız və xalqımız qarşısında səmimi olmanın da vacibliyi anlamağımız birləşdirir”, - səfir qeyd edib.