Bağdadda ABŞ səfirliyi yenidən raket və dron hücumlarına məruz qalıb

Bağdadda ABŞ səfirliyi yenidən raket və dron hücumlarına məruz qalıb.

“İnformator.az” xəbər verir ki, bu barədə “Al Jazeera“ təhlükəsizlik mənbələri məlumat yayıb.

Məlumata görə, raketlər və zərbə dronu ABŞ-nin Bağdaddakı səfirliyinə yönəldilib, ərazidə siqnallar işə düşüb və partlayış səsləri eşidilib.

Qeyd olunur ki, azı üç dron Bağdad beynəlxalq hava limanı yaxınlığında yerləşən ABŞ diplomatik obyektinə də hücum edib, nəticədə C-RAM hava hücumundan müdafiə sistemi işə düşüb.

Hadisə nəticəsində itki və dağıntılar barədə hələlik məlumat verilməyib.