BMT Baş katibi: İsrailin hədələrindən qorxmamalıyıq

Qəzza müharibəsinin davam etdiyi və İordan çayının qərb sahilinin ilhaq edildiyi bir zamanda dünya İsrailin hədələrindən qorxmamalıdır. 

"İnformator.az" "Teleqraf"a istinadən  xəbər verir ki, bu barədə BMT-nin Baş katibi Antonio Quterreş bildirib.

“Cavab tədbirlərindən qorxmamalıyıq, çünki bizim nə etməyimizdən asılı olmayaraq, bu hərəkətlər davam edəcək və ən azından bunların baş verməməsi üçün təzyiq göstərmək məqsədilə beynəlxalq ictimaiyyəti səfərbər etmək şansı var”, - Quterreş deyib.

Qeyd edək ki, İsrail, Qərb ölkələrinin gələn həftə Nyu-Yorkda keçiriləcək BMT-nin yüksək səviyyəli toplantısında Fələstin dövlətini tanımağa davam edərsə, İordan çayının qərb sahilini ilhaq etməklə hədələyib.