Böyük Britaniyanın beşinci nəsil "F-35B" döyüş təyyarəsi Yaponiyanın Kyuşu adasındakı Kaqosimadakı mülki hava limanına təcili eniş edib.

"İnformator.az" bu barədə "Kyodo" agentliyinə istinadla xəbər verir.

Bildirilir ki, aeroportun uçuş-enmə zolağı müvəqqəti bağlanıb, bu da uçuş cədvəlini pozub.

Çox güman ki, təyyarə Britaniyanın "Prince of Wales" aviadaşıyıcısının göyərtə aviasiyasının bir hissəsidir və hazırda o müşayiət gəmiləri ilə Yaponiya ərazisindədir.

Bu aviadaşıyıcı qrup Yaponiya Hərbi Dəniz Qüvvələri ilə təlimlər keçirir.