Bu ölkələr özlərini məhv etmək yoluna qədəm qoyublar

Avropa Birliyi (AB) ölkələri hər gün tarixi yenidən yazmaqla özlərini məhv etmək yoluna qədəm qoyublar.

"İnformator.az" "Teleqraf"a istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib. Rusiya rəsmisi bildirib ki, İkinci Dünya müharibəsində qələbə ilə əlaqədar keçirilən paradlarda iştirak etməyən AB ölkələri bununla dərin düşüncəli olmadıqlarını ortaya qoyublar:

“Hər gün tarixi yenidən düzüb-qoşurlar. Bu siyasəti davam etdirsələr, özlərini məhv edəcəklər. Bu, fizika və ya kimyanın elmi cəhətdən sübut edilmiş bəlli qanunlarını rədd etməyə bərabər bir cəhddir. Tarix bir elmdir. Təsdiqlənmiş faktları, öyrənilməli olan dərsləri ehtiva edir. Qanunların pozulması kədərli nəticələrə gətirib çıxarır. 85 il əvvəl bir dəfə sərhədi keçiblər. İndi eyni şeyə qayıtsalar, özlərini daxildən məhv edəcəklər”.