Cavab gecikməyib

Estoniya Xarici İşlər Nazirliyi Rusiyaya məxsus üç hərbi təyyarənin icazəsiz şəkildə Estoniya hava məkanını pozduğunu açıqlayıb. Nazirlik bu pozuntunu etiraz etmək üçün Rusiyanın müvəqqəti işlər vəkilini çağıraraq etiraz notası təqdim edib.

Məlumata görə, Rusiyaya məxsus üç hərbi təyyarə icazəsiz şəkildə Estoniya hava məkanına daxil olub və ümumilikdə 12 dəqiqə bu ərazidə qalıb. Hava məkanının pozulması ilə əlaqədar Estoniya Rusiyanın Tallindəki müvəqqəti işlər vəkilini nazirliyə çağıraraq etiraz notası verib.

Estoniya xarici işlər naziri Margus Tsahkna məsələ ilə bağlı açıqlamasında deyib: “Rusiya bu il Estoniya hava məkanını dörd dəfə pozub. Bu, başlı başına qəbuledilməz bir vəziyyətdir. Lakin bu gün üç hərbi təyyarənin hava məkanımıza daxil olması, misli görünməmiş bir həyasızlıqdır".

Tsahkna bildirib ki, Rusiyanın sərhədləri getdikcə daha çox pozması və artan aqressivliyi siyasi və iqtisadi təzyiqin gücləndirilməsi ilə qarşılanmalıdır. Digər tərəfdən, Estoniya Müdafiə Qüvvələri də sözügedən pozuntunu təsdiqləyib.

Haberler.com

Aygün Babayeva