Çində havai fişək fabrikində partlayış: 1 ölü, 9 yaralı

Çinin cənubundakı Hunan əyalətində yerləşən havai fişək istehsalı fabrikində baş verən partlayış nəticəsində 1 nəfər həlak olub, 9 nəfər yaralanıb, 6 nəfər isə itkin düşüb.

Xinhua agentliyinin xəbərinə görə, Çanqdi şəhərinin Linçi bölgəsində yerləşən “Shanzou Fireworks” şirkətinə məxsus havai fişək fabrikində gündüz saatlarında partlayış baş verib.

Partlayış nəticəsində fabrikdə çalışan 1 işçi həyatını itirib, 9 nəfər yaralanıb. 6 işçidən isə hələ də xəbər yoxdur.

İşçilər partlayış sahəsində olmayıb.

Hadisədən sonra əraziyə yanğınsöndürən və təcili yardım qrupları göndərilib, axtarış-xilasetmə işləri davam edir.

2017-ci ildə fəaliyyətə başlayan fabrikdə ümumilikdə 150 işçi çalışır. Hadisə zamanı işçilərin çoxunun partlayışın təsir dairəsində olmadığı bildirilib.

A HABER
Solmaz Muradova