Cənubi Koreyanın kosmosa buraxdığı raket partlayıb

Cənubi Koreya şirkətinin Braziliyadakı stansiyadan kosmosa buraxdığı raket az sonra nasazlıq səbəbindən orbitə çıxa bilməyib.

“İnformator.az” xəbər verir ki, bu barədə “Yonhap” məlumat yayıb.

Məlumata görə, raketin buraxılışı bu gün Bakı vaxtı ilə saat 05:13-də baş tutub.

Uçuş təxminən bir dəqiqə planlaşdırıldığı kimi davam edib: raket uğurla buraxılıb, cihazlar uçuş görüntülərini ötürüb, lakin sonra uçuşun plana uyğun getmədiyi məlum olub.

“Təhlükəsizlik prosedurlarına uyğun olaraq, missiya dayandırılıb”, - deyə uçuşu həyata keçirən şirkətdən bildirilib. Raketin partladığı və parçalarının təhlükəsiz yerə düşdüyü, heç kimin xəsarət almadığı qeyd edilib.