Fransada kütləvi etirazların səbəbi nədir?
ABŞ Prezidenti Donald Tramp bu həftə Fransada keçirilən etirazlar və talanlarla bağlı videoların sosial şəbəkələrdə və televiziya xəbərlərində yayılmasından sonra Fransanı sərt şəkildə tənqid edib.
Tramp Fransadakı və Avropanın digər ölkələrindəki etirazları miqrasiya problemi ilə əlaqələndirib. O, bu həftə Kanzas ştatında keçirilən seçki kampaniyası mitinqində “Onlar Avropanı itirirlər” deyib.
Lakin insanları minlərlə nəfərlə küçələrə çıxaran əsas səbəblər nələrdir?
Fransada etirazçılar artan yaşayış xərclərinə və dövlət xidmətlərinə ayrılan vəsaitlərin azaldılmasına qarşı çıxırlar. Oktyabrın 17-də Parisdə keçirilən nümayiş zamanı etirazçılarla polis arasında toqquşmalar baş verib. Hadisə zamanı gözyaşardıcı qazdan da istifadə olunub.
