Dünya liderləri BMT Baş Assambleyasında görüşür

Dünyadakı ən böyük diplomatik tədbirlərdən biri olan və üzv ölkələrin liderlərini bir araya gətirən Birləşmiş Millətlər Təşkilatının (BMT) 80-ci Baş Assambleyası sabah Nyu-Yorkda başlayacaq.

BMT-nin Baş qərargahının yerləşdiyi Nyu-Yorkda hər il üzv ölkələrin dövlət və hökumət başçılarını bir araya gətirən Baş Assambleya bu il 23–29 sentyabr tarixlərində “Birlikdə daha yaxşı: Sülh, inkişaf və insan haqları üçün 80 il və daha artığı” mövzusu ilə keçiriləcək.

80-ci BMT Baş Assambleyasının açılışını Baş katib Antonio Quterreş edəcək. Bu il iclaslara isə tribunadakı çəkici əlində tutacaq Almaniyanın sabiq xarici işlər naziri Annalena Baerbock sədrlik edəcək.

Baş Assambleyaya təxminən 150-yə yaxın dövlət və hökumət başçısı, həmçinin çoxsaylı vitse-prezidentlər, nazirlər və bu nümayəndə heyətlərinə qoşulan rəsmi şəxslərdən ibarət minlərlə diplomat, vətəndaş cəmiyyəti nümayəndəsi və jurnalistin qatılacağı gözlənilir.

TRT XƏBƏR
Lalə Qurbanlı