Dambrauskas "Sabah"dan əvvəl "Levski"yə rəhbərlik edə bilərmiş...

"Sabah"ın baş məşqçisi Valdas Dambrauskas komandanın UEFA Konfrans Liqasının III təsnifat mərhələsindəki rəqibi Bolqarıstan "Levski"sinin baş məşqçi postuna əsas namizədlərdən biri olub. 

"İnformator.az" "gong.bg" saytına istinadən xəbər verir ki, bu, 2024-cü ilin dekabrında Stanislav Gençevin gedişindən sonraya təsadüf edib.

Dambrauskası 2021-ci ildə "Ludoqorets"ə rəhbərlik etdiyi vaxtdan tanıyan "Levski" rəhbərliyi onunla danışıqlar aparıb. Lakin tərəflər razılığa gələ bilməyiblər. Nəticədə "göylər" ispaniyalı Xulio Velaskesə müraciət ediblər. 

Dambrauskas isə fevralın 26-da Macarıstan "Dyöşdyör"ü ilə anlaşıb.