Deputatın maşını Brüsseldə atəşə tutulub

Belçikanın paytaxtı Brüsseldə naməlum şəxslər polşalı deputat Valdemar Budanın avtomobilinə pnevmatik silahla atəş açıblar.

"İnformator.az" xəbər verir ki, bu barədə RMF24 məlumat yayıb.

Məlumata görə, hadisə Belçika paytaxtının küçələrindən birində baş verib. Siyasətçi avtomobilin içərisində olmayıb.

Hüquq və Ədalət Partiyasından olan Buda onun avtomobilinə 9 atəş açıldığını və bunun məqsədyönlü hücum olduğunu söyləyib. Belçika polisi araşdırmaya başlayıb.