Ermənistan xüsusi xidmət orqanları ilə əməkdaşlıq edən şəxslə bağlı qərar verilib

Azərbaycanda dövlətə xəyanətdə təqsirləndirilən Bəhruz Səmədovun barəsində qəbul olunmuş məhkəmə hökmündən verilən şikayətə baxılıb.

"İnformator.az"ın "Teleqraf"a istinadən xəbərinə görə, Bakı Apellyasiya Məhkəməsində keçirilən prosesdə qərar elan olunub.

Bakı Apellyasiya Məhkəməsi şikayəti təmin etməyib.

Xatırladaq ki, Bakı Ağır Cinayətlər Məhkəməsinin hökmü ilə Bəhruz Səmədov 15 il müddətinə azadlıqdan mərhum edilib.

Qeyd edək ki, Bəhruz Səmədov ötən ilin avqustun 21-də Dövlət Təhlükəsizliyi Xidmətinin keçirdiyi əməliyyat-istintaq tədbirləri zamanı saxlanılıb.