FIFA Dünya Kuboku ev sahiblərini açıqladı! Mərakeş, Portuqaliya, İspaniya və Səudiyyə Ərəbistan

FIFA-nın açıqlamasına görə, 2030-cu il Dünya Kubokuna Mərakeş, İspaniya və Portuqaliya, 2034-cü il Dünya Kubokuna isə Səudiyyə Ərəbistanı ev sahibliyi edəcək.

FIFA tərəfindən bildirilib ki, 2030-cu il Dünya Kubokuna Mərakeş, Portuqaliya və İspaniya ev sahibliyi edəcək.

Bundan əlavə, turnirin 100-cü ildönümü şərəfinə ilk üç oyun Uruqvay, Argentina və Paraqvayda keçiriləcək. Bu 6 ölkə də avtomatik olaraq turnirə qatılma hüququ qazanacaq.

Turnirin açılış oyununun 1930-cu ildəki turnirin finalında qarşılaşan Argentina və Uruqvay arasında keçirilməsi planlaşdırıldığı iddia edilir. Qeyd edək ki, 1930-cu ildə ilk dəfə təşkil olunan Dünya Kubokunu Uruqvay qazanmışdı.

2034-cü il Dünya Kuboku isə gözlənildiyi kimi Səudiyyə Ərəbistanında keçiriləcək. Səudiyyə Ərəbistanı tarixində ilk dəfə futbolun ən böyük turnirinə ev sahibliyi edəcək.

Mənbə: Milliyət

Fatimə Abdulrəhimli