Fridrix Merts: Həftəsonu Ukrayna-ABŞ danışıqları baş tuta bilər

Avropa ABŞ Prezidenti Donald Trampa Ukrayna ilə bağlı sülh planını təhvil verib.

"İnformator.az" Ukrayna KİV-inə istinadən xəbər verir ki, bu barədə Almaniya Kansleri Fridrix Merts NATO-nun baş katibi Mark Rütte ilə birgə mətbuat konfransında bildirib.

O bildirib ki, ABŞ ilə danışıqlar bu həftə sonu baş tuta bilər. "Dekabrın 10-u ABŞ Prezidenti Donald Tramp, Fransa Prezidenti Emmanuel Makron və Böyük Britaniyanın Baş naziri Kir Starmer ilə telefon danışığımız olub, növbəti günlər ərzində gələcək prosesi müzakirə etdik," – F.Merts deyib. Kansler qeyd edib ki, Avropa liderləri ABŞ ilə birgə sənədlərin müzakirəsini başa çatdırmağı təklif ediblər.