Gürcüstana gedən azərbaycanlı həkim faciəvi şəkildə ölüb
Bir neçə gün əvvəl Bakıdan Gürcüstana səfər edən 1971-ci il təvəllüdlü həkim Yaqub Cabbarov yol qəzasında vəfat edib.
"İnformator.az"-ın “Nyus24.az”a istinadən məlumatına görə, “Medikus” klinikasının həkimi olan Y. Cabbarov səhhəti ilə bağlı müalicə məqsədilə qonşu ölkəyə yollanıb.
O, uzun illər Ağcabədidə pediatr kimi fəaliyyət göstərib. 2016-cı ildən isə Bakının müxtəlif klinikalarında çalışaraq tanınmış pediatrlardan biri kimi fəaliyyətini davam etdirib.
