Gərginlik yüksəlib

Fransa Prezidenti Emmanuel Makron ilə ABŞ Prezidenti Donald Tramp BMT-də keçirdikləri görüşdə Fələstinin tanınması məsələsində fikir ayrılığı yaşayıb. Qəzzada hərbi yollarla nəticə əldə olunmadığını vurğulayan Makron, "Siyasi bir perspektivə də ehtiyacımız var və bu səbəbdən tanıma qərarı aldıq", – deyib.

Fələstinin tanınmasının niyə HƏMAS-ın mükafatlandırılması kimi görüldüyü barədə suala Tramp belə cavab verib: "Məncə, bu, HƏMAS-a şərəf qazandırar və bunu edə bilməzsiniz. 7 oktyabr hadisələrinə görə. Sizin təklif etdiyiniz kimi bir şey edərək onları ucalda bilməzsiniz. Edə biləcəyiniz yeganə şey 'girovlarımızı geri istəyirik, müharibənin bitməsini istəyirik' deməkdir".

Bundan sonra Tramp əlavə edib: "Mən İsrailin tərəfində olduğumu demək məcburiyyətindəyəm. Həyatım boyu İsrailin tərəfində olmuşam. Bir həll yolu tapacağıq və ümid edirəm ki, bu, hər kəs üçün yaxşı bir həll olacaq. Amma artıq dayanma vaxtıdır. Çox önəmli bir görüşümüz olacaq. Məncə, bir saat içində keçirəcəyimiz görüş burada edəcəyimiz ən vacib görüşlərdən biri olacaq".

Haberler.com

Aygün Babayeva