Haiti hökuməti qasırğa qurbanlarının xatirəsinə üçgünlük matəm elan edib

Haiti hökuməti ötən həftə ölkəni vuran “Melissa” qasırğasının qurbanlarının xatirəsinə üçgünlük matəm elan edib.

“İnformator.az”ın yerli KİV-ə istinadən verdiyi məlumata görə, bu barədə hökumətin sosial şəbəkələrdəki paylaşımında bildirilib.

Məlumata görə, qasırğa nəticəsində 30 nəfər ölüb və təxminən 20 nəfər itkin düşüb.

“Bu il noyabrın 3-ü, 4-ü və 5-i təbii fəlakətin qurbanlarının xatirəsinə milli matəm günləri elan edilib”, - paylaşımda qeyd olunub.

Bildirilib ki, ölkə boyunca dövlət bayrağı yarıya endiriləcək.