Hyundai-nin zavodunda ICE reydi zamanı cənubi koreyalılar saxlanılıb

ABŞ immiqrasiya orqanları Corciya ştatında yerləşən böyük Hyundai istehsal müəssisəsinə reyd keçirib və əməliyyatda iştirak edən qurumlardan birinin məlumatına görə, 450-dən çox insan saxlanılıb.

3,000 akr ərazini əhatə edən və Koreya avtomobil istehsalçısı tərəfindən elektrik avtomobilləri istehsalı üçün inşa edilən obyekt bir ildir fəaliyyət göstərib.

ABŞ Daxili Təhlükəsizlik Nazirliyi BBC-nin ABŞ üzrə tərəfdaşı CBS News-a bildirib ki, agentlər “qanunsuz məşğulluq praktikaları və digər ciddi federal cinayətlər” ittihamları ilə bağlı order icra ediblər.

Cənubi Koreya Xarici İşlər Nazirliyi bildirib ki, saxlanılanlar arasında Koreya vətəndaşları da var və bunu onların hüquqlarının “haqsız pozulması” kimi qiymətləndirib.
Atlanta şəhərindəki Alkoqol, Tütün, Silah və Partlayıcı Maddələr Bürosunun ofisi “X” platformasında paylaşım edərək bildirib ki, onlar ICE (İmmiqrasiya və Gömrük Nəzarəti) də daxil olmaqla bir sıra digər qurumlarla birgə Bryan qraflığındakı zavodda 450 “qanunsuz əcnəbi”ni saxlayıblar. Neçə cənubi koreyalının saxlanıldığı hələlik məlum deyil.

Bbc News
Ayşə Müzəfərli