İndoneziyanın 2025-ci il kömür hasilatı hədəfi

İndoneziya 2025-ci ildə 700 milyon ton və daha artıq kömür hasilatını planlaşdırır. İlin ilk yarısında artıq 371,66 milyon ton hasil olunub ki, bu da ötən ilin eyni dövrü ilə müqayisədə bir qədər azdır (406,06 milyon ton). Rəsmi hədəf isə 735 milyon tondur.

"700 milyon ton hasilat tamamilə mümkündür. Artıq bu miqdarın yarısını istehsal etmişik", – deyə Mineral və Kömür üzrə Baş Direktor Tri Vinarno bildirib.

Ölkədə kömür hələ də əsas enerji mənbəyi olaraq qalır. 2024-cü ildə rekord səviyyədə – 836 milyon ton kömür hasil edilib. Lakin 2025-ci ilin ilk altı ayında ixrac 6,13% azalaraq 185,98 milyon ton olub.

Hökumət bərpa olunan enerjiyə keçid və karbon emissiyalarının azaldılmasını hədəfləsə də, ekspertlər yaxın illərdə kömürün enerji strategiyasında əsas rol oynamaqda davam edəcəyini deyirlər.

ANEWZ 

Gülhüseynova Güllər