İran: ABŞ-nin raket məsafəmizi məhdudlaşdırma şərti...

İran Milli Təhlükəsizlik Ali Şurasının sədri Əli Laricani bildirib ki, ABŞ-nin “raket məsafəsini 500 km-dən aşağı salmaq” şərti danışıqlara mənfi təsir edib.

O qeyd edib ki, problem ABŞ və Qərbin qəbulolunmaz tələblər irəli sürməsidir. İran isə danışıqlardan yayınmayıb.

Laricani həmçinin BMT sanksiyalarını geri qaytarmağa çalışan Böyük Britaniya, Almaniya və Fransanı da tənqid edib.

Tehran 30 ildir raket proqramı inkişaf etdirir və hazırda 300-3000 km məsafəyə çatan ballistik raketlərə sahibdir. Bu güc, xüsusən İsrail olmaqla bəzi ölkələr tərəfindən təhlükə kimi görülür.

TRT Haber

Aişə Mustafayeva