İranda hava çirkliliyi hər il 50.000 insanın ölümünə səbəb olur

İranın səhiyyə naziri Məhəmməd Rza Zəfərkəndi hava çirkliliyinin hər il 50.000 insanın ölümünə səbəb olduğunu bildirib.

İranın rəsmi agentliyi IRNA-nın məlumatına görə, Zəfərkəndi bu sözləri universitet rektorları ilə görüşündə deyib. Zəfərkəndi sağlamlıq problemlərinin əsasən iqtisadi və sosial amillərdən qaynaqlandığını vurğulayaraq deyib: “Problemlərdən biri hava çirkliliyidir. Hava çirkliliyi səbəbindən hər il 50.000 insanın ölümünə şahid oluruq. Eynilə, xəstəxanaya qəbul halları ikiqat artıb”.

Zəfərkəndi universitetlərin səhiyyə ilə bağlı məsələlərə problemə yönəlmiş perspektivdən yanaşmalı olduğunu bildirib və əlavə edib: “Əgər səhiyyə elmlərində irəliləmək istəyiriksə, mütəxəssislər universitetləri dəstəkləməlidirlər. Səhiyyə sektorunda əhəmiyyətli maliyyə resursları mövcuddur”.

İranda hava çirkliliyinin səbəbləri.

İranda hava çirkliliyi, ümumiyyətlə, istehsal olunan benzinin keyfiyyətsizliyindən qaynaqlanır. Keyfiyyətsiz benzin; Köhnə model nəqliyyat vasitələri, motosikletlər və elektrik stansiyaları yanacaq kimi istifadə edildikdə insan həyatına mənfi təsir göstərən qazlar buraxır. İran hava çirkliliyinə qarşı hibrid mühərriklər istehsalı, elektrik motosikletlərinin paylanması və Avro 5 benzin istehsalı kimi müxtəlif tədbirlər görsə də, bu, uğurlu olmayıb.

TRT Xəbər
Xədicə Məhərrəmli