İsrail Eurovision-da iştirak edərsə, İspaniya müsabiqədən çıxa bilər
İspaniyanın mədəniyyət naziri Ernest Urtasun bildirib ki, Qəzzada soyqırım törədən İsrail Eurovision Mahnı Müsabiqəsində iştirakdan kənarda qalmasa, bir çox Avropa ölkələri kimi İspaniya da müsabiqəyə qatılmamalıdır.
İspaniyanın dövlət radiosu RNE-yə verdiyi açıqlamada Urtasun İsrailin 2026 Avroviziya Mahnı Müsabiqəsində iştirakından narahatlığını ifadə edərək deyib: “İrlandiya, Sloveniya, İslandiya və Hollandiya kimi İsraili yarışmadan kənarlaşdıra bilməsək, İspaniya da iştirak etməməlidir”.
Madriddə keçirilən "La Vuelta" velosiped yarışının final mərhələsinin anti-İsrail nümayişlərinə görə dayandırıldığını xatırladan Urtasun, "Mədəni və idman fəaliyyətləri soyqırımı haqq qazandırmamalıdır. Mədəni və idman tədbirləri soyqırımı normallaşdırmamalıdır" dedi.
“İSRAİLƏ QARŞI DAHA QƏTİYYƏTLİ MÖVQE”
İspaniyanın koalisiya hökumətinin kiçik ortağı olan Sumar alyansının sözçüsü olan mədəniyyət naziri Urtasun, İspaniyanın son aylarda partiyasının təşəbbüsü ilə İsrailə qarşı daha qətiyyətli mövqe tutduğunu iddia edib.
Urtasun həmçinin İsrailin Qəzzada soyqırım törətdiyini inkar edən ana müxalifətdəki sağçı Xalq Partiyasını (PP) tənqid edərək, “PP xarici siyasət məsələlərində tam etibarsızlıq nümayiş etdirir.
“Rusiyanı xaric etmək qərarı veriləndə onların şikayətlərini heç eşitmədim, lakin onlar İsrailə eyni münasibət bəsləmirlər.
İştirakçı ölkələrin reaksiyaları artır
2026-cı il Avroviziya Mahnı Müsabiqəsində iştirak etməyəcəklərini açıqlayan və ya İsrailin iştirakına icazə veriləcəyi təqdirdə iştirakını qiymətləndirəcək ölkələrin siyahısına hər gün yeni bir ölkə əlavə edilir.
Bir çox ölkənin ictimai yayımçıları Qəzzada soyqırımını davam etdirən İsrailin iştirakına icazə veriləcəyi təqdirdə 2026 Avroviziya Mahnı Müsabiqəsində iştirak etməyəcəklərini açıqlayıb.
İrlandiya, Sloveniya və Hollandiya İsrailin qəbul ediləcəyi təqdirdə gələn il Eurovision-a qatılmayacaqlarını açıq şəkildə bəyan etmiş, İslandiya, Belçika və İspaniya da eyni şəkildə iştirak edəcəklərinə işarə etmişlər.
Hüriyyet
Samirə Allahverdizadə
