İsrailə qarşı sərt sanksiyalar

Belçika Avstraliya, Fransa, Kanada və Böyük Britaniyanın sırasına qoşularaq, gələn həftə BMT Baş Assambleyasında (UNGA) Fələstin dövlətini tanıyacağını açıqlayıb.

Xarici işlər naziri Maksim Prévotun sözlərinə görə, bu addım İsrail hökumətinə təzyiqi artırmaq, Qəzzadakı müharibəni dayandırmaq və davam edən humanitar böhranı yüngülləşdirmək məqsədi daşıyır. Prévot X sosial şəbəkəsində paylaşım edərək bildirib:

“Fələstini Belçika BMT sessiyasında tanıyacaq! İsrail hökumətinə qarşı sərt sanksiyalar tətbiq olunur". Nazirin sözlərinə görə, Belçika hökuməti beynəlxalq hüququn pozulması və Fələstində baş verən “humanitar faciə” səbəbindən İsrailə qarşı milli səviyyədə 12 sanksiya həyata keçirəcək. “Belçika İsrail hökumətinə təzyiqi artırmaq üçün ciddi qərarlar qəbul etməli oldu", – deyə Prévot vurğulayıb.

Euronews

Zəri Bayramlı