İsrailin Qəzzada soyqırım törətdiyi bildirilib

Beynəlxalq Soyqırım Alimləri Assosiasiyası (IAGS) qəbul etdiyi qətnamədə İsrailin Qəzzada törətdiyi hərəkətlərin BMT-nin 1948-ci il Soyqırım Konvensiyasına uyğun olduğunu bildirib.

Sənəddə İsrailin xəstəxanalara, yardım təşkilatlarına və mülki infrastruktur obyektlərinə hücumları, on minlərlə uşağın öldürülməsi və fələstinlilərin sağ qalma imkanlarının məhv edilməsi kimi faktlar sadalanır. Qətnamə göstərir ki, İsrail liderləri Qəzzadakı bütün əhalini “düşmən” adlandırır, zorla köçürülməni dəstəkləyir və Qəzzanı “cəhənnəmə çevirmək” kimi bəyanatlar verirlər. İsrail Xarici İşlər Nazirliyi isə bu sənədi rədd edərək “antisemit böhtanı” adlandırıb. Hazırda Beynəlxalq Ədalət Məhkəməsi Cənubi Afrikanın iddiasını araşdırır, amma yekun qərar verilməyib. BMT və Qərb dövlətləri yalnız məhkəmə hökmünü əsaslı sayacaqlarını bildirirlər. Digər tərəfdən, BMT hesabatları Qəzzada aclığın artdığını və İsrailin yardımın qarşısını alaraq beynəlxalq hüququ pozduğunu qeyd edir.

Sonda, alimlər vurğulayır ki, Həmas-ın hücumu cinayət sayılsa da, İsrailin cavabı bütün Qəzza əhalisini hədəfə alır və bu, soyqırım əlamətləri daşıyır.

BBC
Quliyeva Reyhan