İstanbulda qeyri-qanuni miqrantlara qarşı əməliyyat

İstanbul polisi miqrant qaçaqmalçılığı təşkilatçılarına və qeyri-qanuni miqrantlara qarşı genişmiqyaslı əməliyyat keçirib. Qaçaqmalçılıqla Mübarizə və Sərhəd Qapıları Şöbəsi Xüsusi Əməliyyat polisinin dəstəyi ilə Zeytinburnu mahalında “şok evləri” adlanan ünvanlarda gözləyən miqrantlara basqın edib.

Polis qrupları Zeytinburnu Yeşilyol D küçəsində üç ünvana eyni vaxtda basqın edərək çoxsaylı qeyri-qanuni miqrantı saxlayıb. Əməliyyat zamanı evlərdə axtarışlar aparılıb, saxlanılan şəxslərin deportasiyası üçün prosedurlar
başladılıb.

Məlumata görə, əməliyyat yalnız Zeytinburnu ilə məhdudlaşmayıb, eyni vaxtda iki digər rayonda da həyata keçirilib. Polis tədbirlər zamanı geniş təhlükəsizlik tədbirləri görüb.

TRT XƏBƏR
Ləman Mahmudlu