"İtaliya iki şərtlə Fələstini tanımağa hazırdır"

İtaliyanın baş naziri Giorgia Meloni bəyan edib ki, ölkə iki şərt altında Fələstini tanımağa hazırdır: 2023-cü il 7 oktyabr hücumlarında HƏMAS-ın girov götürdüyü israillilərin azad edilməsi və HƏMAS-ın gələcək fələstin hökumətində iştirak etməməsi.

Bu mövqe, Belçika və Fransanın qərarlarına bənzəyir və Meloninin əvvəlki sərt mövqeyindən dönüş hesab olunur. İtaliyada on minlərlə insanın qatıldığı ümummilli etiraz aksiyaları hökumətə təzyiqi artırıb. Sorğular göstərir ki, italyanların 40%-dən çoxu Fələstinin tam müstəqil dövlət kimi tanınmasını dəstəkləyir, əhalinin əksəriyyəti isə İsrailin Qəzzadakı hərbi əməliyyatlarını “genosid” və qeyri-mütənasib hesab edir.

Meloni İsrailin addımlarını hələ də “genosid” adlandırmaqdan imtina etsə də, ictimai rəy və humanitar vəziyyət hökumətin mövqeyində yumşalma yaradıb.

Euronews

Billurə Quliyeva