İtaliya: Yeni sanksiyalar vacibdir

İtaliyanın xarici işlər naziri Antonio Tajani bəyan edib ki, Rusiya prezidenti Vladimir Putini sülh danışıqlarına gətirmək üçün əlavə sanksiyalar qaçılmazdır. Onun sözlərinə görə, Aİ-nin hazırladığı 19-cu sanksiyalar paketi Rusiyanın maliyyə axınlarına ciddi təsir göstərəcək.

Avropa Komissiyasının Prezidenti Ursula fon der Lyayen isə bildirib ki, Aİ yeni sanksiyalar çərçivəsində Rusiyadan fosil yanacaq idxalını sürətlə dayandırmağı nəzərdən keçirir.

Hazırda Aİ qaz ehtiyacının 13 faizini Rusiyadan qarşılayır, lakin 2028-ci ildən etibarən rus neft və qazına tam embarqo tətbiq etmək planlaşdırılır.

Gərginlik Polşanın hava məkanında şübhəli Rusiya dronlarını NATO təyyarələrinin dəstəyi ilə vurduğunu açıqlamasından sonra daha da artıb.

Tajani həmçinin Ukraynaya tam üzvlük verilmədən NATO-nun kollektiv müdafiə çətirinin genişləndirilməsini təklif edib. Bu model Ukraynaya gələcək hücumlar zamanı ABŞ da daxil olmaqla bütün tərəfdaşlardan dəstək almağa imkan verəcək.

ANEWZ 

Güllər Gülhüseynova