Jimmy Kimmel'in gedişi qısa olub

Trampa qarşı tənqidi mövqeyi ilə tanınan talk show ulduzu Jimmy Kimmel'in proqramının ləğvi ABŞ-də hiddətə səbəb olub. Dünyanın ən böyük media şirkətlərindən biri olan Disney-i tənqid edən məşhurlar “ifadə azadlığı risk altındadır” deyərək, şirkəti geri çəkilməyə məcbur ediblər. Proqramın qaldığı yerdən davam edəcəyi açıqlanıb.

Tramp tərəfdarı olan Charlie Kirk'ə sui-qəsdlə bağlı açıqlaması böyük səs-küyə səbəb olub və onun şousu efirdən qaldırılıb. ABŞ-də "ifadə azadlığı" ilə bağlı müzakirələr yenidən alovlandıqda, onun şəbəkəsi geri çəkilmək məcburiyyətində qalıb. ABŞ günlərlə Jimmy Kimmel haqqında danışır. Kimmelin ABŞ prezidenti Donald Trampa qarşı tənqidi mövqeyi ilə susdurulduğunu iddia edənlərin sayı sürətlə artıb. Məşhurlar bir-birinin ardınca dəstək bəyanatları verir, hətta boykot çağırışları da edilir.

Hadisə Kimmel'in verilişinin yayımlandığı ABC telekanalının sahibi olan Disney şirkətini geri çəkilməyə vadar edib. Şirkət Kimmelin sözlərinin "vaxtında olmayan və həssas olmadığını" bildirən bir bəyanat yayıb. Lakin komediya ustası ilə müzakirələrdən sonra verilişin davam etdirilməsinə qərar verilib.

Ben Stiller, Jennifer Aniston, Meryl Streep və Robert De Niro da daxil olmaqla yüzlərlə Hollywood ulduzu Kimmel'in verilişinin çıxarılmasını qınayan məktub yazıblar.

Bunun “ifadə azadlığı üçün qaranlıq məqam” olduğu bildirilib.

ABŞ prezidenti Donald Tramp Kimmel'in “səriştəsiz” olduğu üçün işdən çıxarıldığını iddia edib.

Haber global
Samirə Allahverdizadə