Kadırov ölümdən dönəndən sonra ilk paylaşımını edib

Çeçenistan rəhbəri Ramzan Kadırov Bodrumda boğulmaqdan son anda xilas olması barədə xəbərlərdən sonra Teleqram kanalında ilk paylaşım edib.

"İnformator.az" "Axar.az"a istinadən xəbər verir ki, Kadırov paylaşımını Ukrayna Silahlı Qüvvələrinin əsir götürülmüş əsgərinə həsr edib.

Mətn Kadırovun adından yazılıb, lakin o, yazıya əlavə edilən videonun kadrında yoxdur. Bu materialın dəqiq nə vaxt hazırlandığını müəyyən etmək mümkün deyil, çünki messencer gecikmiş nəşr funksiyasına malikdir. Yazı siyasətçinin kanalında Moskva vaxtı ilə saat 16:11-də görünüb.