Kahramanmaraşda avtomobil qəzası

Kahramanmaraşın Elbistan rayonunda avtomobilin idarəetməni itirərək dayanmış avtomobilə çırpıldığı an təhlükəsizlik kamerasına düşüb. Sürücü xəsarət alıb, avtomobillərə ciddi maddi ziyan dəyib.

Hadisə Muhsin Yazıcıoğlu bulvarında baş verib. E.Y.-nin idarə etdiyi 06 EF 077 dövlət nömrəli avtomobil yolu keçərkən idarəetməni itirərək park halındakı maşına çırpılıb. Zərbənin təsirindən sürücü xəsarət alıb, avtomobillərə xeyli maddi ziyan dəyib.

Şahidlər 112 Təcili Tibbi Yardıma xəbər verib. Hadisə yerinə polis qrupları göndərilib. Yaralı sürücüyə ilkin tibbi yardım göstərilərək Elbistan Dövlət Xəstəxanasına aparılıb. Vəziyyətinin yaxşı olduğu bildirilib. Qəza anı təhlükəsizlik kameralarına düşüb. Görüntülərdə avtomobilin yoldan çıxaraq toqquşması görünür.

A xəbər 

Nərgiz Əzizli