Kallas Almaniyanı “Aİ-nin diplomatiyasına mane olmağı dayandırmağa” çağırır

Müşahidəçilərin qeyd etdiyinə görə, Almaniya Holokostdan sonra daşıdığı “xüsusi məsuliyyət” səbəbindən yəhudi dövlətinə qarşı sanksiyalara etiraz edən Avropa ölkələrinin ön sıralarında dayanır. Almaniya Avropa İttifaqını Qəzza üzrə çıxılmaz vəziyyətdən çıxarmaq üçün “alternativ” təklif etməlidir, – deyə Aİ-nin xarici siyasət idarəsinin rəhbəri Kaya Kallas Euronews-ə verdiyi eksklüziv müsahibəsində bildirib.

Kallas bu bəyanatı İsrailin Qəzzada quru hücumuna başladığı gün və Avropa Komissiyasının sədri Ursula fon der Lyayenin ənənəvi “Aİ-nin vəziyyəti” çıxışında İsrailə göstərilən “ikitərəfli dəstəyi” və Aİ–İsrail assosiasiya sazişinin ticarət hissələrini dayandırmağı təklif etməsindən bir həftə sonra edib.

Fon der Lyayenin bəyanatını dəstəkləyən Kaya Kallas Euronews-ə bildirib ki, çərşənbə günü Komissiya Qəzzadakı müharibəyə və Qərb sahilində davam edən pozuntulara cavab olaraq İsrail mallarına yenidən rüsumların tətbiqini təklif edəcək.

Euronews

Fatimə Heydərova