Karnavalda atışma: Körpə daxil olmaqla 3 nəfər ölüb

Yuta ştatının West Valley City şəhərində keçirilən yerli karnaval faciə ilə nəticələnib. İki qrup arasında yaranan mübahisə zamanı açılan atəş nəticəsində biri səkkiz aylıq körpə olmaqla üç nəfər həyatını itirib, iki yeniyetmə isə yaralanıb.

Hadisə Centennial Park-da keçirilən illik “Westfest” festivalı zamanı baş verib. Polis bildirir ki, qarşıdurmaya müdaxilə etməyə çalışdıqları anda 16 yaşlı oğlan silahını çıxararaq atəş açıb.

Hadisədə iştirak edən 18 yaşlı gənc də həyatını itirib. Polis tərəfindən açılan cavab atəşi nəticəsində şübhəli yaralanmasa da, daha sonra saxlanılıb.

Rəsmilərin verdiyi məlumata görə, qollarından güllə yarası alan yeniyetmələrin mübahisədə birbaşa iştirak etmədiyi ehtimal olunur. Gun Violence Archive-ə (Silahlı Zorakılıq Arxivi) əsasən, bu hadisə 2025-ci ildə ABŞ-də baş vermiş 156-cı kütləvi atışmadır.

ANEWZ

Gülhüseynova Güllər