“Kayserispor”un yeni prezidenti Nurettin Açıkalın

Bellona Kayserispor İdarə Heyəti Ali Çamlının istefasından sonra bir araya gələrək yeni prezidenti müəyyən edib. Sarı-qırmızılı klub yeni prezidentin Nurettin Açıkalın olduğunu ictimaiyyətlə paylaşıb.

Bellona Kayserispor Klubu tərəfindən edilən açıqlamada deyilib ki, idarə heyəti üzvlərimizin verdiyi qərarla vitse-prezidentimiz Nurettin Açıkalın Kayserisporumuzun yeni prezidenti seçildi. Ona yeni vəzifəsində uğurlar arzulayırıq.

“Klubumuzun tarixinin ən çətin dönəmlərindən birində prezidentlik vəzifəsini üzərinə götürən və bu vəzifəni böyük sədaqət və mübarizə ilə yerinə yetirən əvvəlki prezidentimiz Ali Çamlıya təşəkkür edir, ona fəaliyyətində uğurlar arzu edirik”.

TRT Spor
Zəhra Həsənova