Kiyev bölgəsindəki hücuma görə Çernobıl Atom Elektrik Stansiyasında elektrik kəsilib

Ukraynanın Energetika Nazirliyi Kiyev vilayətindəki Çernobıl Atom Elektrik Stansiyasının Rusiya hərbçilərinin pilotsuz uçuş aparatının (PUA) hücumu səbəbindən bir neçə saatlıq fəaliyyət göstərmədiyini açıqlayıb.

Nazirliyin Telegram hesabından verilən yazılı açıqlamada rusların Kiyev bölgəsindəki Slavutiç Elektrik Stansiyasına pilotsuz təyyarə ilə hücum etdiyi bildirilib.

Hücum nəticəsində elektrik enerjisinin kəsilməsi səbəbindən bölgədəki Çernobıl Atom Elektrik Stansiyasında fövqəladə vəziyyət elan edildiyi qeyd edilib.

Bəyanatda deyilir:

“Çernobıl Atom Elektrik Stansiyasının dağıdılmış dördüncü enerji blokunu təcrid edən və radioaktiv materialların ətraf mühitə sızmasının qarşısını alan əsas obyekt olan yeni mühafizə çadırı gərginliyin dəyişməsi səbəbindən işıqsız qalıb”.

Zelenski hücuma reaksiya verir. Ayrı-ayrılıqda eyni hesabla çıxış edən Ukrayna prezidenti Vladimir Zelenski elektrik enerjisinin kəsilməsinin üç saatdan çox davam etdiyini bildirib.

Zelenski "Bu, ətraf mühiti stansiyanın dördüncü enerji blokunun qalıqlarından, həmçinin radioaktiv zibil və tozdan, xüsusən də 1986-cı il partlayışından sonra qoruyan yeni sığınacaqdır" deyib.

Ukraynada Rusiyanın hərbi nəzarəti altında olan Zaporojya Atom Elektrik Stansiyasının səkkiz gündür elektriksiz qaldığını qeyd edən Zelenski, rusların hələ də problemin həlli üçün heç bir addım atmadığını müdafiə edib.

TRT Haber
Cavahir Əsgərbəyli