Konqress Epshteyn sənədlərini açıqlamaq üçün səs verib

ABŞ Konqresinin hər iki palatası ABŞ Ədliyyə Nazirliyinə mərhum cinsi cinayətkar Cefri Epshteynlə bağlı sənədləri açıqlamaq barədə göstəriş verilməsinə razılıq verib.

Nümayəndələr Palatası bu tədbiri 427-1 səslə böyük üstünlüklə təsdiqləyib. Senat isə qanun layihəsi rəsmi olaraq ona çatmadan əvvəl onu qəbul edəcəyini bildirib.

Prezident Donald Tramp sənədlərə son imzanı qoymalıdır və o, bunu edəcəyini bəyan edib. O, son vaxtlar mövqeyini dəyişərək respublikaçılara sənədlərin açıqlanmasına səs verməyi tövsiyə edib - bunu öz tərəfdarlarının təzyiqindən sonra edib.

Çərşənbə axşamı Epshteynin sağ qalan qurbanları Kapitolidə bu təşəbbüsü dəstəkləyərək çıxış ediblər. Onlardan biri illərdir “institusional xəyanət” yaşadıqlarını söyləyib.

BBC
Səadət Əlizadə