Kosmosa səfər edən ilk türk astronavt

İlk türk astronavtı kosmos səyahətinə çıxmağa hazırlaşır. Sənaye və Texnologiya naziri Mehmet Fatih Kacır Floridada ilk türk astronavtı Alper Gezeravcının ailəsi ilə görüşüb. Nazir Mehmet Fatih Kacır ailənin həyəcanını paylaşıb.

İlk türk astronavtının kosmosa səyahəti üçün geri sayım davam edir. Sənaye və Texnologiya naziri Fatih Kacır ABŞ-da Alper Gezeravcının ailəsi ilə görüşüb.

Nazir Kacır Gezeravcı ailəsinin həyəcanını paylaşıb.

İlk türk astronavtının atası Ali Gezeravcı oğlunun kosmosa gedəcəyini bütün Türkiyə kimi Teknofestdə öyrəndiyini belə izah edib:

“O vaxt deyirdi ki, 'ata, bizim prezidentimiz sizə vacib bir şey haqqında məlumat verə bilər'. Prezidentimiz bunu çox güclü dəstəkləyir".

Nazir Kacır prezident Rəcəb Tayyib Ərdoğanın bu mövzuda verdiyi dəstəyə diqqət çəkib:

"İnşallah, Anadolu övladları bu yolda qabıqlarını qırarlar. Prezidentimiz də hər dəfə bu işləri ciddi şəkildə dəstəkləyir. Bu işləri izləyir".

"Bu, bizim ilk insanlı kosmik missiyamızdır, biz bunu davam etdirəcəyik".

Türkiyənin kosmos araşdırmalarında qətiyyətini vurğulayan nazir Kacır, "Təəssüf ki, bir çox gənc üçün bu, real olmayan bir xəyala çevrilirdi. İndi Türkiyə bu mərhələyə gəldi. Ümid edirəm ki, Alper bəy bunun öncülü oldu. Mən həmişə deyirəm, bu bizim ilk insanlı kosmos missiyamızdır. İlk, çünki bunu əvvəllər etməmişdik. İlkdir, çünki davam etdirəcəyik. İnşallah, daha çoxları olacaq. Karhan kimi uşaqların xəyallarında ümid edirəm ki, daha böyük yer tutacaq" deyib.

Muşlu tələbələr Gezeravcının aparacağı 13 təcrübədən birini hazırlayıblar.

Nazir Kacır Gezeravcının işi haqqında məlumat verib:

"Əlbəttə, orada elmi işlər görəcək. Çox çalışacaq. Amerikaya son səfərindən əvvəl məni ziyarət ediblər. O, mənə bütün o 13 təcrübəni çox ətraflı izah edib.

Dedim: "Yəqin ki, oranın ən çox işləyən astronavtı sən olacaqsan'".

Muşdakı elm və incəsənət mərkəzindən orta məktəb şagirdləri müəllimləri ilə bir təcrübə hazırlayıblar. O 13 təcrübədən biri də onların təcrübəsidir".

Nazir Kacır Türkiyənin növbəti hədəfinə işarə edib.

Sənaye və Texnologiya naziri kosmos səfərindən sonra həyata keçiriləcək prosesin təfərrüatlarını da bölüşüb.

"Təbii ki, bu, təkcə lansman olmayacaq, həm də 2 həftə ərzində izləniləcək. Oradakı işlər. Əlaqələr yenidən qurulacaq. Məktəblərlə bəzi əlaqələr qurulacaq".

Kacır Gezeravcının qardaşı oğlu ilə dialoqunda Türkiyənin növbəti hədəfinə işarə edib.

"Aya getməyi düşünürsən? Doğrudan mı? Əminizi ötəcək növbəti hədəf Ay olacaq".

Nazir Kacır Gezeravcı ailəsi ilə xatirə şəkli də çəkdirib.

Mənbə:TRT HABER

Tərcümə edən:Lalə Qafarova