Əkrəm İmamoğlunun “saxta diplom” işi üzrə ara qərar açıqlanıb

İBB-dəki korrupsiya istintaqı çərçivəsində həbsdə olan Əkrəm İmamoğlunun “saxta diplom” işi üzrə ilk məhkəmə iclası keçirilib. İclas məhkəmənin ara qərarını açıqlaması ilə başa çatıb.

Əkrəm İmamoğlunun universitet diplomunun saxta olması iddiası ilə mühakimə olunduğu işin ilk məhkəmə iclası keçirilib.

İmamoğlu, Marmara Qapalı Həbsxana və İcra Müəssisəsinin məhkəmə zalında hakim qarşısına çıxarılıb.

Şəxsiyyətinin müəyyənləşdirilməsi zamanı İmamoğlu təhsil durumunun “magistratura” olduğunu, aylıq gəlirinin isə 250 min lirə olduğunu bildirib.

İclas hakimin ittiham aktının xülasəsini oxuması ilə başlayıb.

İstanbul Respublika Baş Prokurorluğu, İmamoğlunun bakalavr diplomunun saxta olması ilə bağlı iddialar əsasında istintaq aparıb.

İttiham aktında İmamoğlunun “zəncirvari şəkildə rəsmi sənəddə saxtakarlıq” cinayətinə görə 2 il 6 aydan 8 il 9 aya qədər azadlıqdan məhrum edilməsinə hökm verilməsi tələb olunub.

İlk məhkəmə iclası, məhkəmənin ara qərarını açıqlaması ilə başa çatıb.

Məhkəmə, İmamoğlunun həbsdə olan vəkili Mehmet Pəhlivanın iclasa SEGBİS sistemi vasitəsilə qatılmasına qərar verib.

Növbəti iclasın 20 oktyabrda keçirilməsinə qərar verilib.

TRT XƏBƏR
Lalə Qurbanlı