Lavrov:Avropalılar təkcə atəşkəs istəyir

Rusiyanın xarici işlər naziri Sergey Lavrov bildirib ki, Putin-Tramp görüşünün atmosferi “çox yaxşı” olub. Rossiya 24 telekanalına açıqlamasında o qeyd edib ki, Vaşinqton uzunmüddətli, dayanıqlı və etibarlı nəticələr istədiyini açıq şəkildə nümayiş etdirib.

Lavrov ABŞ-nin konstruktiv mövqeyini bəzi Avropa liderləri ilə müqayisə edib. O bildirib ki, həmin liderlər Tramp və Ukrayna Prezidenti Volodimir Zelenski ilə bazar ertəsi Ağ Evdə keçirilən sammitdə iştirak etsələr də, “Avropalılar yalnız atəşkəs tələb ediblər, eyni zamanda Ukraynaya silah tədarükünü davam etdirməyi planlaşdırıblar".

ANEWZ

Güllər Gülhüseynova