Lotte Kopecky dünya çempionluğunu müdafiə etməyəcək

BRÜSSEL, 2 sentyabr (Reuters) – Qadınlar arasında dünya çempionu olan Lotte Kopecky, bu ay Ruandada keçiriləcək yarışda titulu müdafiə etməyəcək. Belçika millisinin baş məşqçisi çərşənbə axşamı bildirib ki, idmançı idmandan bir müddət uzaqlaşmaq qərarı verib.

İkiqat dünya yol yarışı çempionu olan Kopecky (2023-cü ildə Şotlandiyada, 2024-cü ildə isə Sürixdə qələbə qazanıb) 21–28 sentyabr tarixlərində Kigalidə keçiriləcək dünya çempionatında iştirak etmək istəmədiyini rəsmən milli məşqçi Ludwig Willems-ə bildirib.

29 yaşlı idmançı, bu yay əsas hədəflərinə çata bilmədikdən sonra karyerasını yenidən dəyərləndirmək üçün vaxt istədiyini açıqlayıb. Giro d’Italia Women və Tour de France Femmes yarışlarında uğur qazana bilməyən Kopecky, Ruandada da önəmli rol oynaya bilməyəcəyini düşünüb.

“Biz hamımız Lotte-nin son illərdə Klassiklərdə, Böyük Turlarda və çempionatlardakı nailiyyətlərinə görə minnətdar olmalıyıq" , – deyə məşqçi Willems bildirib. "İndi ona istirahət, yenidən toparlanmaq və daxili rahatlıq tapmaq üçün vaxt verməliyik. Mən əminəm ki, yaxın gələcəkdə daha güclü bir Lotte görəcəyik".

Willems əlavə edib ki, Giro zamanı Lotte-də şübhələr yaranmağa başladı, Tour yarışında isə bu hisslər daha da güclənib: “O, dönüş gözləyib, amma indi qərar verib ki, 100% hazır olmayacaq. Lotte kimi çempion yalnız qələbə uğrunda mübarizə apara biləcəyinə əmin olduğu halda yarışmaq istəyir".

Kopecky-ni razı salmağa çalışmadığını deyən Willems, Justine Ghekiere-nin komanda lideri olacağını açıqlayıb. Ona Marthe Goossens, Marieke Meert, Julie Van de Velde və Margot Vanpachtenbeke dəstək verəcək. “Məntiqli olaraq, medal qazanmaq şansımız indi daha azdır" , – deyə məşqçi etiraf edib.

Reuters

Eslanda Kulieva