Müharibə Avropaya yayılıb!

NATO-nun Baş katibi Mark Rutte, Rusiyanın pilotsuz uçuş aparatlarının (PUA) Polşa hava məkanını pozmasının ardından Putinə xəbərdarlıq edib. Ukrayna-Rusiya müharibəsinin başlanmasından bəri ilk dəfə Polşanın rus hava vasitələrini vurduğu hadisə ilə bağlı Rutte bildirib: “Biz hazırıq, ayıq-sayıqıq və NATO torpaqlarının hər qarışını müdafiə edəcəyik".

Mətbuat konfransında Polşadakı hadisənin qəsdən törədilmiş hücum olub-olmamasına dair suala Rutte belə cavab verib: “Dediyim kimi, tam qiymətləndirmə davam edib. Lakin əlbəttə, qəsdən olsun və ya olmasın, bu, tamamilə məsuliyyətsiz bir davranışdır. Çox təhlükəlidir. Amma təkrar edirəm, qiymətləndirmə davam edib".

Ruttedən, Rusiya Prezidenti Vladimir Putinə mesajının nə olduğu soruşulduqda, o deyib: “Putinə mesajım aydındır. Ukraynadakı müharibəni dayandır. Hazırda əsasən dinc əhaliyə və mülki infrastruktur obyektlərinə yönəlmiş olan müharibəni gərginləşdirməyi dayandır. Müttəfiq hava məkanını pozma. Və bil ki, biz hazırıq, ayıq-sayıqıq və NATO torpaqlarının hər qarışını müdafiə edəcəyik".

Rutte, bu vəziyyətin NATO-nun hava müdafiə qabiliyyəti və nisbətən yeni bir təhdid olan pilotsuz uçuş aparatlarına qarşı müdafiə baxımından nə ortaya qoyduğuna dair suala isə belə cavab verib: “Mənim fikrimcə, dünən gecə şahidi olduğumuz şey NATO və müttəfiqlərin – əlbəttə Polşanın özünün, eləcə də Hollandiya, İtaliya və Almaniyanın – çox uğurlu bir reaksiyası idi. Hər kəsin töhfəsi oldu və həqiqətən çox təsirləndim. Əlbəttə, hər zaman bir addım öndə olduğumuzdan əmin olmalıyıq. Amma dünən gecə göstərildi ki, NATO torpaqlarının, o cümlədən hava məkanının hər qarışını müdafiə edə bilərik".

Haberler.com

Aygün Babayeva