Makrondan Fələstinlə bağlı ABŞ-yə cavab

Fransa prezidenti Emmanuel Makron Birləşmiş Millətlər Təşkilatının iclasları üçün ABŞ-nin Fələstin rəsmilərinə viza verməkdən imtina etməsini kəskin şəkildə pisləyib. Makron qərarı qəbuledilməz elan edib və ABŞ-ni bu praktikanı ləğv etməyə və Fələstinin təmsilçiliyini təmin etməyə çağırıb.

Fransa prezidenti Emmanuel Makron sosial media hesabından verdiyi açıqlamada Səudiyyə Ərəbistanının vəliəhd şahzadəsi Məhəmməd bin Salmanla telefonla danışdığını bildirib.

Fransa və Səudiyyə Ərəbistanının sentyabrın 22-də ABŞ-ın Nyu-York şəhərində keçiriləcək iki dövlətli həlli ilə bağlı konfransa həmsədrlik edəcəyini xatırladan Makron, "ABŞ-nin Fələstin rəsmilərinə viza verilməməsi qərarı qəbuledilməzdir. Biz bu təcrübənin ləğvini və ev sahibi ölkə razılaşmasına uyğun olaraq Fələstinin təmsilçiliyinin təmin edilməsini tələb edirik" dedi.

Makron, iki dövlətli həllə ən geniş beynəlxalq töhfəni toplamağı hədəflədiklərini ifadə edərək, yalnız bu həllin fələstinlilərin və israillilərin gözləntilərini qarşılaya biləcəyini vurğuladı.

Bunun daimi atəşkəs, məhbusların azad edilməsi, Qəzza xalqına böyük həcmdə humanitar yardımın çatdırılması və bölgədə “sabitləşdirmə missiyası”nın yerləşdirilməsi ilə mümkün olacağını müdafiə edən Makron, dedi: “Sonra HƏMAS-ı tərksilah etmək və Qəzzada idarəçilikdən tamamilə kənarlaşdırmaq, islahat etmək və Qəzza Fələstini tamamilə yenidən gücləndirmək üçün çalışacağıq. Əhalinin hücumu, ilhaqı və ya köçürülməsi vəliəhd şahzadə ilə birlikdə yaratdığımız dinamikanı dayandıra bilməyəcək. Bu işdə çoxlu tərafdaşlar iştirak edir".

Makron, 22 sentyabr konfransını Yaxın Şərqdə hamı üçün sülh və təhlükəsizlik adınadönüş nöqtəsi halına getirmeye çağırıb.

Haber Global
Samirə Allahverdizadə