Marsı yaşanabilir hala gətirmək xəyal deyil

Alimlər Marsda Yerə bənzər bir atmosfer yaratmağın nəzəri cəhətdən mümkün olduğunu bildirirlər. Polşa Elmlər Akademiyasından Dr. Leszek Czechowskinin hazırladığı tədqiqatda Marsın atmosfer təzyiqini insan həyatına uyğun səviyyəyə qaldırma yolları araşdırılır.

Marsın səthində su mövcud atmosfer təzyiqində dərhal qaynamağa başlayır. Bu səbəbdən, planetdəki hər kəsin daim təzyiqli geyimlərdə dolaşması tələb olunur. Lakin planetin bəzi bölgələri Yerdəkilərə nisbətən daha uyğun təzyiq dəyərlərinə malikdir.

Ən ümidverici bölgə kimi Hellas Planitia ön plana çıxır. Marsın bu alçaq yüksəklikli vadisində atmosfer təzyiqi, Yer dəniz səviyyəsindəkinin təxminən yüzdə biri qədərdir. Bu isə insan dərisinin birbaşa təmasda olduğu halda belə dərhal qaynama yaşanmayacaq səviyyəyə ən yaxın nöqtə hesab olunur.

Atmosfer üçün qaynaq haradan tapılacaq?

Dr. Czechowski Marsa Yerə bənzər bir atmosfer qazandırmaq üçün lazım olan qazların daşınmasının böyük mühəndislik problemləri yaratdığını vurğulayır. Əsas asteroid qurşağındakı cisimlər yaxın olsalar da, kifayət qədər su və azot ehtiva etmirlər.

Buna qarşılıq olaraq, Kuiper Qurşağındakı buzlu səma cisimləri bu baxımdan daha zəngin qaynaqlar təqdim edir. Araşdırmada bu cisimlərin Marsa yönəldilərək onunla toqquşdurulması təklif olunur. Beləliklə, həm içərisindəki qazlar Mars atmosferinə qatılır, həm də toqquşmanın təsiri ilə planet isinməyə başlayır.

Mənbə: TRT HABER
Nuray Əliyeva