Maşına minib, birbaşa Beyruta getmək istəyirəm - Hersoq

İsrail təhlükəsiz Yaxın Şərq qurmaq üçün hamı ilə birgə işləmək istəyir.

"İnformator.az" "Axar.az"a istinadən xəbər verir ki, bunu İsrail Prezidenti İshaq Hersoq deyib.

“Bu yaxınlarda mən məktəblilərlə danışanda maşına minib, birbaşa Beyruta getməyi, bu gözəl şəhəri ziyarət etməyi, Livanın yaxşı insanları ilə, daha yaxşı gələcək üçün bizimlə birlikdə dua edənlərlə dostluq etməyi arzuladığımı dedim”, - deyə o əlavə edib.

Bundan əlavə, Hersoq aprelin 23-də Vaşinqtonda yeni danışıqlar raundu keçirməyi planlaşdıran İsrail və Livan nümayəndələrinə uğurlar arzulayıb.