McDonalds bağlanır?

McDonald's, Yaxın Şərqdəki və digər ölkələrin müştərilərinin İsraili dəstəklədiyinə inandıqları üçün restoranlarının boykot edilməsindən sonra biznesinə ağır zərbənin vurulduğunu söylədi.

Şirkətin baş direktoru Chris Kempczinski LinkedIn-dəki yazısında McDonald's-ın əhəmiyyətli itkilərə məruz qaldığını etiraf etdi və şirkətə qarşı mənfi münasibəti "yanlış məlumat" ilə əlaqələndirdi.

“McDonald's kimi brendlərə təsir edən dezinformasiya nəticəsində Yaxın Şərqdə və onun hüdudlarından kənarda bir neçə müəssisə əhəmiyyətli itkilərlə üzləşir”, - Kempczinski yazıb. "Bunun üçün heç bir əsas yoxdur və bu, çox məyusedicidir."

“Müsəlman ölkələri də daxil olmaqla, fəaliyyət göstərdiyimiz hər bir ölkədə McDonald's yerli menecerlər və sahiblər tərəfindən qürurla təmsil olunur”, o əlavə edib.

Mənbə: BBC russian

Tərcümə etdi: Banuçiçək Kalbalıyeva