Melaniya Tramp, Rusiya və Ukrayna nümayəndə heyətlərini Ağ Evdə qəbul edəcək

Melaniya Tramp Prezident Volodimir Zelenski vasitəsilə Ukraynanın 1-ci dərəcəli "Şahzadə Olqa" ordeni ilə təltif edildikdən bir gün sonra Ağ Evdə Rusiya və Ukrayna nümayəndə heyətlərini qəbul edəcək. Bu mükafat Birinci Xanıma Ukraynaya göstərdiyi humanitar dəstəyə və müharibədən əziyyət çəkən uşaqların ailələrinə qaytarılması istiqamətindəki səylərinə görə verilib.
Görüş Melaniya Trampın müstəqil diplomatik təşəbbüsü ilə Xersonun Oleşki şəhərindən yüzlərlə insanın təxliyə edilməsinə imkan yaradan atəşkəsin əldə olunmasından sonraya təsadüf edir. Həm Rusiya, həm də Ukrayna tərəfi atəşkəsin vasitəçiliyinə görə ona təşəkkür edib. Ağ Evdə keçiriləcək danışıqlarda Ukraynadan ombudsman Dmitro Lubinets və deputat Davıd Araxamiya, Rusiyadan isə ombudsman Yana Lantratova və rəsmi şəxs Kirill Dmitriyev iştirak edəcək.
Bundan əlavə, gələn həftə Əbu-Dabidə Rusiya, Ukrayna və ABŞ nümayəndələrinin iştirakı ilə ilk üçtərəfli görüşün keçirilməsi planlaşdırılır. Bu danışıqlar müharibədən sonrakı təhlükəsizlik razılaşmaları və gərginliyin azaldılması mövzularına həsr olunacaq.

Səkinə Musayeva

Mənbə:BBC