Misirdə tekstil fabrikində yanğın olub

Misirin Qərbi Qahirə əyalətinin Mahalla şəhərində yerləşən tekstil fabrikində baş verən güclü yanğın nəticəsində azı 11 nəfər həlak olub.

Məlumata görə, hadisə səhər tezdən geyim boyama sexində elektrik qısaqapanmasından sonra baş verib. Qısaqapanma nəticəsində qazan partlayıb və bu da yanğına səbəb olub. Partlayış fabrikin bir hissəsinin çökünməsinə gətirib çıxarıb.

Hadisə yerinə cəlb edilən fövqəladə xidmət əməkdaşları alovu söndürüb və zərər görmüş sahələri təmizləyiblər. Qərbi Qahirə qubernatoru Əşrəf əl-Gendi əraziyə baş çəkib. Əmək Nazirliyi bəyan edib ki, həlak olanlar arasında mülki müdafiə qüvvələrinin əməkdaşları da var.

Səhiyyə rəsmilərinin məlumatına görə, ümumilikdə 26 yaralı xəstəxanadan evə buraxılıb, 7 nəfərin müalicəsi isə davam edir. Onlardan ikisi reanimasiya şöbəsindədir.

Mahalla şəhəri Qahirədən təxminən 103 kilometr şimalda yerləşir və Misirin əsas tekstil mərkəzlərindən biri hesab olunur.

Xatırladaq ki, bu hadisə iyul ayında Qahirədə Misirin əsas telekommunikasiya şirkətinin inzibati binasında baş verən böyük yanğından sonra qeydə alınıb. Həmin yanğında azı 14 nəfər yaralanmış, internet və mobil rabitədə ciddi fasilələr yaranıb.

ANEWZ 

Güllər Gülhüseynova