Moldovalı oliqarx Yunanıstanda saxlanılıb

Moldovanın qaçaq oliqarxı Vladimir Plahotniuc Yunanıstanda saxlanılıb. O, 1 milyard dollar (təxminən €850 milyon) dəyərində bank fırıldağı və digər cinayətlərdə ittiham olunur.

Plahotniuc 2019-cu ildə Moldova prokurorluğunun korrupsiya ittihamları ilə üzləşdiyi vaxt ölkədən qaçmışdı. İttihamlar arasında 2014-cü ildə Moldovanın bank sistemindən yoxa çıxan və ölkənin ÜDM-nin 8%-nə bərabər olan məbləğlə bağlı sxemdə iştirak da var. Onu İnterpol axtarışa verib. Yunanıstan polisi onun cinayət təşkilatında iştirak, dələduzluq və çirkli pulların yuyulmasında şübhəli bilinərək saxlanıldığını bildirib.

Hazırda Moldovanın Ədliyyə Nazirliyi və Prokurorluğu ekstradisiya prosesi üçün Yunanıstanla məlumat mübadiləsi aparır.

Plahotniuc ABŞ və Birləşmiş Krallıq tərəfindən sanksiyalara məruz qalmış, aktivləri dondurulmuş və ölkələrə girişi qadağan edilib. O, həmçinin Rusiyapərəst fəaliyyətlərdə və Moldovanın Aİ-yə inteqrasiyasını pozmaq cəhdlərində ittiham olunur. Onun həbsi Moldovada keçiriləcək sentyabr seçkiləri ərəfəsində Prezident Maya Sandu və Aİ tərəfdarları tərəfindən müsbət qarşılanacaq.

Euronews
Billurə Quliyeva