Nazir Fidan “Qəzza” mövzulu İƏT iclasına sədrlik edəcək

Xarici işlər naziri Hakan Fidan Ciddədə keçiriləcək İslam Əməkdaşlıq Təşkilatının (İƏT) 21-ci Fövqəladə Xarici İşlər Nazirləri Şurası (XİNŞ) iclasına, Türkiyənin İƏT XİNŞ dönəm sədrlik çərçivəsində, sədrlik edəcək.

Xarici İşlər Nazirliyi mənbələrindən əldə edilən məlumata görə, Fidan Türkiyənin İƏT XİNŞ dönəm sədrlik çərçivəsində, 25 avqustda Ciddədə keçiriləcək İƏT-in 21-ci Fövqəladə XİNŞ iclasına sədrlik edəcək.

Gözlənilir ki, Fidan iclas çərçivəsində İsrailin Qəzzanı tamamilə işğal etməyə, iki dövlətli həlli mümkünsüz etməyə və fələstinliləri öz torpaqlarından sürgün etməyə yönəlmiş siyasətlərinin qətiyyən qəbul edilə bilməyəcəyini vurğulasın. O, həmçinin Qəzzada dərhal atəşkəs elan olunmasının, mülki əhalinin qorunması və humanitar yardımların fasiləsiz çatdırılması baxımından həyati əhəmiyyət kəsb etdiyini, İsrailin isə davam edən atəşkəs səylərini sabotaj etməyə davam etdiyini diqqətə çatdırsın. Bundan əlavə, beynəlxalq ictimaiyyətin buna imkan verməməli olduğunu və İsrail üzərində təzyiqi artırmasının vacibliyini qeyd etsin.

Həmçinin Fidanın, İsrailin Qəzzanı “fələstinliləşdirmə” siyasətinə göz yumulmayacağını, iki dövlətli həll əsasında Fələstin dövlətinin yaradılmasının ədalətli və davamlı sülhün təmin edilməsinin yeganə yolu olduğunu və Türkiyənin Qəzzanın yenidən qurulmasına dair İƏT–Ərəb Liqası planına güclü dəstəyini davam etdirdiyini bəyan etməsi gözlənilir.

TRT XƏBƏR
Lalə Qurbanlı